Өршөөлийн хуулийг өршөөхсөн

8-р сарын 28, 2015 9:10 am Нийтлэгч: Ангилал Нийгэм , Хууль эрхзүй Уншсан: 33
8e6ae849dab681c3big

Д.БИЧЭЭЧХҮҮ

Өршөөлийн хууль батлагдан гарснаас хойш энэ тухай манай улстөрчид, иргэд янз бүрээр тайлбарлан маргалдсаар байна. Уг нь өршөөлийн хууль гаргах ёстой юу гэвэл цаг нь болсон гэж болно. Урьд нь хоёр ч удаа гаргаж хэл амгүй хэрэгжүүлж болоод байсан даа. Гэтэл одоо яахаараа ийм хууль байж болохгүй олон болох бүтэхгүй хүмүүс өршөөгдөнө. Энэ нь улстөрд гай болох юм шигээр ярьж улстөржөөд, нам бүлгээрээ талцаад л …

Бүр сүүлдээ төр, засгийн ажлыг гацаах арга хэрэгсэл болгоод байгаа нь улстөрийн хийрхэл газар авсаныг, даангүй Засгийн бүрэлдэхүүнээс шахагдсныхаа өшөөг авах МАН-ынхны “үхэхдээ үхэр буугаа…” гэгчийн үлгэрийг санагдуулж буй. Ер нь Өршөөлийн хуулийг өшиглөх санаа юунаас эхтэй вэ? гэвэл шуудхан хэлэхэд Ерөнхийлөгч Ц.Элбэгдоржийн про­курорын байгууллагын ойн хурал дээр агсамнах аястай хэлсэн үгнээс л үүдэлтэй гэж болно. Мань хүн бүх юманд улстөрждөг хэн нэгэнд өш санаснаа мартаж чаддаггүй, зуумтгай гэдгээ л энд харуулсан даа. Тэр хэлэхдээ, “Би Монголын хэдхэн шүүгчийн цалинг хоёр дахин нэмье гэж хэлээд байгаа. Тийм учраас араас нь энэ прокуроруудын асуудлыг энэ жилийн, ирэх жилийн төсөвт тусгая гэж хэлээд байгаа. Хойноос нь гэж алга ташуулаад,

-Та нарт Монголын төрөөс өгсөн нэг эрх бий, авлигачдыг та нар бөхөлзүүлэх ёстой, авлигчдын өмнө бөхөлзөж болохгүй, авлигачдыг бөхөлзүүлэх үүрэгтэй. Та нар яллах хуультай. Тийм эрх та нарт бий гэж дахин давтан хэлэх нь прокуроруудаа та нар яллахаас өөр ажил битгий хий. Бүү өршөө гэсэнтэй адил сонсогдсон. Ерөнхийлөгч энэ үед өөрт тавих хяналтаа бүрэн алдчихсан нь илт байсан. Зүгээр л өшөө хорслоо дайсан овлигогүй үгээр баярын хуралд оролцогсдыг булаад таарсан. Түүнээс хойш Ерөнхийлөгчийг даган жиргэгчид олшир­сон. Өршөөлийн хууль хэрэгжснээр 3000 гаруй хүн ялаас мултрана гэсэн тооцоо бий гэдэг. Түүний 10-аадхан хувь нь тэр хуулийг эсэр­гүүцээд байгаа хү­мүүсийн хэлдгээр авлига, албан тушаалын хэрэгтэй холбоотой хүмүүс байгаа. Энэ тал дээр нь Ерөнхийлөгч хориг тавьсан гэдэг. Тэр хэсэгчлэн тавьсан хоригийн цаад санааг ухвал өршөөлийн хуулийг бүхэлд нь үгүйсгэх санаа яваад байна гэж зарим хуульчид тайлбарлаж байна. Үүнийг ойлгомж­тойгоор хэлбэл өршөөлд хам­руулж болохгүй гээд байгаа цөөн хүний цаана 2900 хүн өршөөл үзэхгүй нь ээ дээ. Тэр олон хүний ард ар гэрийнхэн, үр хүүхэд, төрөл садан нь элгээ дэвтээн хүлээж суугаа шүү дээ. Гэтэл эв нэгдлийг илэрхийлэгч, энэрэл хайрлагч Ерөнхийлөгч маань талцагчдын дунд “хэрүүлийн алим” шид­чи­хээд суугаад байдаг. Ерөөс өршөөл гэсэн үгийн үнэ цэнэ алдагдаад байна биш үү. Өршөөнө гэдэг өршөөхийн нэр болохоос өш хонзон хав­чуулж хувийн ашиг со­нирхлоороо төр, засгийн ажилд саад болохыг хэл­дэггүй л баймаар. Төр энэрэнгүй чанараа харуулж өршөөнө гээд байхад “битгий өршөө” гээд байгаа хүмүүсийг хойчоо бодооч ээ гэж хэлмээр байна. Нэг, хоёр жилийн дараа “би хэн бэ” гэдгээ ч бодмоор доо. Байдлыг хараад байхад нэг л биш. Өршөөлийн хуулийг өршөөмөөр л байна. Өнөөгийн өөрийн толгойгүй болсон өөр бусдад худалдагдсан улстөрчдөд ингэж хэ­лээд ер нь нэмэр байна уу даа. Мэдэхгүй. За­римдаа бодоход тэдэнд үг хэлснээс хаданд хаш­гир­сан нь дээр юм шиг. Харин “бурхан өршөө” гэж хэлбэл арай нүгэлгүй байхаа.

Эх сурвалж: “Зууны мэдээ” сонин

Сэтгэгдэл бичих

Таны и-мэйл хаягийг нийтлэхгүй.

Сэтгэгдэл *
Нэр *
E-Mail *