Шүүх бүрэлдэхүүн зөвлөлдөж байна

9-р сарын 21, 2015 5:01 pm Нийтлэгч: Ангилал Нийгэм , Хууль эрхзүй Уншсан: 55
944506855f8dd190abc871

Д.АРИУН

Монгол Улсын Ерөнхий сайдын ахлах зөвлөхөөр ажиллаж байсан Л.Гансүх, “Нүүрс” хөтөлбөрийг хэрэгжүүлж ажилласан компанийн захирал болон нягтлан бодогч нарт холбогдох хэргийн шүүх хурал дөрөв дэх өдрөө үргэлжилж байгаа өнөөдөр үдээс хойших хуралдаанд прокурорууд хоёр дахь шүүмжээ танилцууллаа. Үүний дараа өмгөөлөгч нар болон шүүгдэгчид үгээ хэллээ. Шүүгдэгч Л.Гансүх “Энэ улс төрийн хэрэг. Улс төрийн хэрэгт ял өгөх гэж байгаа бол надад өг. “Нүүрс” хөтөлбөрийг хэрэгжүүлж ажилласан энэ хүмүүсийг битгий буруутга” гэж хэллээ. Мөн тэрээр түүнийг буруутгаад байгаа зүйл анги Өршөөлийн хуульд хамаарахгүй байгааг ч хэлээд, ял авсан ч өршөөл хүсэхгүй гэсэн юм. Өмгөөлөгч нар ”Энэ компаниас өгсөн мөнгөний тухай огт ярихгүй байгаа нь эхнээсээ энэ хэрэгт Л.Гансүх буруутай  гэж харуулах гэж оролдсонтой холбоотой” гэдгийг онцлон хэлж байлаа. 16 цаг 30 минутын орчимд шүүгдэгчид үг хэлж дууссаны дараа шүүх хурал завсарлаж шүүх бүрэлдэхүүн зөвлөлдөхөөр орлоо. Тиймээс өнөөдөр дөрвөн өдөр үргэлжилж байгаа шүүх хурал шийдвэрээ гаргах бололтой.