Peter Sykes: Хачир, чимэггүйгээр монголын эгэл жирийн амьдралыг буулгалаа

6-р сарын 9, 2016 11:12 am Нийтлэгч: Ангилал Дэлхийд , Тэд бидний тухай Уншсан: 75
6-9-6

Т.БАТСАЙХАН

Австрали улсын иргэн, зурагчин Peter Sykes “Монгол орон” нэртэй гэрэл зургийн номоо уншигч олонд хүргэж байна.  Манай орны байгаль орчин, ан амьтан, аж амьдралыг харуулсан гэрэл зураг бүхий номын нээлт өчигдөр Гадаад хэргийн яаманд болсон юм.  Тэрээр анх 2007 онд Монголд ирж байсан бөгөөд монголчуудын аж амьдрал ихэд таалагдаж, түүнээс хойш нийтдээ 17 удаа аяллаар иржээ. 2013 онд Монгол орныг автомашинаар бүтэн тойрох аялалаа эхлүүлж, 34 хоногийн хугацаанд 21 аймаг, 90 гаруй сумаар 12 мянган км аялсан байна.  Энэхүү аяллын хугацаанд  авсан шилдэг бүтээлүүд нь номонд багтсан байв.  Peter Sykes “Миний өссөн орчин Монголын малчин түмний амьдралтай их ойролцоо. Би гэрэл цахилгаангүй, тухлаг байр сууцгүй нэгэн фермд өссөн юм. Тэр ахуйгаа санах бүртээ Монголд ирдэг. Танай оронд олон сайхан найзтай болсон.  Энэ ном бол 10-аад жил Монголоор явсан аяллын маань үр дүн юм. Ямар нэгэн хачир чимэггүй, тайзны гоёлгүйгээр энэ сайхан орны эгэл жирийн амьдралыг харуулсан” гэв.  Тэрээр өнгөрсөн нэгдүгээр сард хөдөө амьдардаг монгол хүүгийн амьдралыг харуулсан “Чонотой хүү” хэмээх номоо англи хэл дээр гаргасан байна. Удахгүй тэр бүтээлээ монгол түмэндээ хүргэнэ гэдгээ дуулгав. Уран бүтээлч Peter Sykes  нь манай оронд ээлтэй нэгэн бөгөөд Австрали улсад орон орныг сурталчлах өдөрлөгт Монголын тухай гэрэл зургийн үзэсгэлэнгээ гаргаж, манай элчин сайдын яаманд сайн дураараа ажиллан монгол зан үйл, аж амьдралыг сурталчлах ажилд идэвхтэй оролцдог нэгэн юм.

6-9-6a1

Эх сурвалж “Зууны мэдээ” сонин

Нийт: 3 Сэтгэгдэл

Ethica
2016 оны 12-р сарын 1

At last! Someone who untrnsdaeds! Thanks for posting!

Lena
2016 оны 12-р сарын 3

Awesome you should think of soenihtmg like that

Сэтгэгдэл бичих

Таны и-мэйл хаягийг нийтлэхгүй.

Сэтгэгдэл *
Нэр *
E-Mail *