Монголын брэнд  “Ла Перла”

11-р сарын 17, 2017 8:30 am Нийтлэгч: Ангилал Ногоон мэдээ , Эдийн засаг Уншсан: 22
11-17-5

Д.ОЮУНЧИМЭГ

“Ла Перла Монголиа” компани байгуулагдаад удаагүй. Тус компанийн хамт олон эх орныхоо түүхий эдийг ашиглан, шинэлэг санаа бүхий чанартай бүтээгдэхүүнийг хэрэглэгчдэд хүргэхийг зорьж буй. “Эх дэл­хийгээ хайрлаж, эрүүл бүтээгдэхүүн хэрэг­лэцгээе“ уриатай ажил­ладаг байна.  Монголын хамгийн анхны хатуу тодотголтой үсний шампунь, ангижруулагчийг үйлдвэрлэж буй. Энэ төрлийн бүтээгдэхүүн Герман улсад үйлдвэрлэгддэг байна. Харин Ази тивдээ анхных нь манайд үйлдвэрлэж эхэлснээрээ давуу талтай. Мөн гадаад зах зээлд гаргах бүрэн боломжтой хэмээн тус компанийг үүсгэн байгуулагч Э.Эрдэнэсувд ярьсан юм. Тэрээр Унгар улсад эм зүйн чиглэлээр суралцдаг бөгөөд энэ хугацаандаа үс арчилгааны бүтээгдэхүүн дээр судалгаагаа хийн байгальд ээлтэй, эко бүтээгдэхүүн үйлдвэрлэх санаа олж патентжуулсан байна. Мөн тун удахгүй шинэ бүтээгдэхүүн гаргахаар Япон улсад судалгаа хийж байгаагаа хэлэв.

“ЛА ПЕРЛА” ХАТУУ ШАМПУНЬ

“Ла Перла” компани халгай, ганга, чацаргана болон кофетой хатуу шампунь үйлдвэрлэдэг. Бүтээгдэхүүнийхээ түүхий эдийг эх орныхоо хөрснөөс түүж бэлтгэдэг аж. Тухайлбал, халгайг таван сард Өмнөговь аймгаас түүдэг байна. Хатуу шампунь нь үсний детокс буюу үс хоргүйжүүлэхээс гадна үсэнд тэжээл өгнө. Нэг ширхэг хатуу шампунь 200 граммаар савлагдсан гурван шингэн шампуньтай тэнцдэг хэмээн Э.Эрдэнэсувд ярилаа. Мөн нэмэлт химийн гаралтай хадгалагч, силикон зэргийг агуулдаггүй. Үсний ургалтанд хэрэгтэй олон төрлийн тос, витамины эзлэх хувь шингэн шампунаас хэд дахин өндөр хувиар агуулагддаг байна. “LaPerla”  Монгол брэндийн хатуу шампунь хэрэглэснээр 1-2 литр ус хэмнэж,  2-3 ширхэг хуванцар хог хаягдахаас сэргийлдэг. Тиймээс ногоон бизнес, экологийн цэвэр бүтээгдэхүүн дэлхийн зах зээлд тэргүүлж буй энэ үед үндэсний үйлдвэрлэгч “Ла Перла Монголиа” компанийнхан хэрэг­лэгчдэдээ эко сон­голт хийх боломжийг бүрдүүлжээ.

“ЛАПЕРЛА’’ ҮСНИЙ СҮҮН ХАТУУ АНГИЖРУУЛАГЧ

Үсний хатуу ангиж­руулагч ус болон силикон агуулаагүйгээрээ онцлог юм. Найрлагад нь наргил модны тос болон какао масло ордог бөгөөд үсийг дээд зэргээр чийгшүүлдэг байна. Энэ бүтээгдэхүүн нь удаан хэрэглэгдэх ба авч явахад авсаархан байдлаар савлагджээ. Мөн энэ ангижруулагчийг давхар “shaving bar” болгон ашиглах боломжтой юм. Ийнхүү эко үсний шампунь, ангижруулагчийг хэрэглэж заншсанаар жилдээ 20000 хуванцар хаягдлыг байгальд хаяхаас сэргийлж чаджээ.  Халцардаг, хуйхны үрэвсэлтэй, хэт уналттай, даралт ихтэй хүмүүст зориулан үйлдвэрлэх ажээ. Ариун ганга өвсний ханд, хатаасан нунтаг өндөр хэмжээгээр агуулагдах эл шампунь үсэнд тэжээл өгөх витаминаар баялаг юм байна.

Үс уналттай болон халцралттай үсэнд илүү тохиромжтой. Жирэмсний дараах үс уналт болон өөр бусад шалтгааны улмаас унаж байгаа үед хэрэглэвэл илүү үр дүнтэй ажээ. Түүж бэлдсэн халгайн ханд, наргил модны тос, какао модны тос, касторын тос агуулсан. Тиймээс үсийг хуурайшиж гэмтэхээс хамгаалж, тэжээл өгдөг байна.

Уналттай, тослог үсэнд тохиромжтой кофегоор баялаг шампунь юм. Кофе түүнд агуулагддаг кафейныг хуйханд сайтар шингээснээр генетикийн хувьд үсний ширхэг бүрийг бэхжүүлж үс уналтыг багасгадаг ажээ.

Гэмтэлтэй, будагтай үсэнд тохирно. Монгол хөрсөнд ургасан чацаргана жимсийг түүхий эдээ болгон ашигладаг. Үсний бохирдлыг сайтар цэвэрлэхээс гадна чийгшүүлдэгээрээ онцлог ажээ.

Халцардаг, хуйхны өрөвсөлтэй, хэт уналттай, даралт ихтэй хүмүүст зориулан үйлдвэрлэжээ. Ариун ганга өвсний ханд, хатаасан нунтаг өндөр хэмжээгээр агуулагдах эл шампунь үсэнд тэжээл өгөх витаминаар баялаг юм байна.

Эх сурвалж: “Зууны мэдээ” сонин

Сэтгэгдэл бичих

Таны и-мэйл хаягийг нийтлэхгүй.

Сэтгэгдэл *
Нэр *
E-Mail *