Харуками Маруками олон улсын номын үзэсгэлэн худалдаанн оролцоно

7-р сарын 19, 2018 5:39 pm Нийтлэгч: Ангилал Дэлхийд , Тэд бидний тухай Уншсан: 14
z3

Х.ОЮУНБОЛД

Японы алдарт зохиолч Харуки Муракамиг Эквадорын Куито хотод ирэх арваннэгдүгээр сард болох  олон улсын номын үзэсгэлэн  худалдаанд хүндэт зочноор урьсан байна.  Эквадорын үндэсний ном, уншлага төлөвлөгөө үйл ажиллагааг хариуцсан захирал Эдгар Алан Гарсиа “Бид энэ жил онцгой зочинтой. Эквадор ийм зочид хүлээн авч заншаагүй. Гэхдээ Боготагийн номын үзэсгэлэн  худалдаа том  учраас дөрвөн жил энэ зохиолчийн араас хөөцөлдсөний эцэст түүнийг урьж чадлаа” гэж ярьсныг “Андес агентлаг мэдээлсэн байна. Нобелийн уран зохиолын шагналд хэд хэдэн удаа нэр дэвшиж байсан зохиолч Харуки Муракамиг номын үзэсгэлэн худалдаанд ирүүлэх гэж удаан хөөцөлдсөн бөгөөд ирэх долоо хоногт түүний айлчлалын  тухай мэдээлэл тодорхой болох юм байна. Орчин үеийн шилдэг роман бичдэг зохиолч гэж тооцогддог тэрээр “Эрэг дээрх Кафка, Токиогийн блюз, Хилээс өмнө зүгт” зэрэг олон зохиол бичсэн. Харин түүний зохиолыг Японд үргэлж магтдаггүй. Учир нь 69 настай зохиолч уламжлалт хэлбэрээр бичихээ больсон нь нөлөөлсөн аж. Түүнд олгосон олон шагнал дотор Франц Кафкагийн  нэрэмжит шагнал,Иерусалимын шагнал зэрэг олон улсын утга зохиолын шагнал байдаг байна.

Эх сурвалж: mundo.sputniknews.com

Сэтгэгдэл бичих

Таны и-мэйл хаягийг нийтлэхгүй.

Сэтгэгдэл *
Нэр *
E-Mail *